Mat 28 | ENQ | STEP | Sambasa gii doko pateamopa Sandeenya yongama niki pyakayalanya pia-kaita Matia Makatala tange dokopa Matia mende dokopa dolapome malu doko kanja peambi-pyaa.

a28:1Mt 27:56; Lu 8:2

b28:2Mt 27:51,60

c28:3Mt 17:2; Ap 1:10

d28:4Mt 27:62-66

e28:6Mt 12:40, 16:21

f28:7Mt 26:32, 28:16; Jo 21:1-23

g28:9Jo 20:14-18

h28:10Lu 24:9-10; Jo 20:1; Ap 1:3; 1 Ko 15:4; Ip 2:11

i28:11-15Mt 27:62-66

j28:16Mt 26:32, 28:7,10; Mk 14:28; Jo 21:1-23

k28:171 Ko 15:5

l28:18Dan 7:14; Mt 11:27; Lu 10:22; Jo 13:3; Ep 1:20-22; Pl 2:9

m28:19Mk 16:15-16; Lu 24:47; Ap 1:8, 2:38

n28:20Wee 125:2; Mt 13:39,49, 18:10, 24:3; Jo 14:18-21; Ap 18:20

Matthew 28

Jisasa malunya sakateamo doko

(Mk 16:1-10; Lu 24:1-10; Jo 20:1-18)

1 Sambasa ^a gii doko pateamopa Sandeenya yongama niki pyakayalanya pia-kaita Matia Makatala tange dokopa Matia mende dokopa dolapome malu doko kanja peambi-pyaa. 2 Peambinopa, ^b pupae lao titiwali andake mende miniamopa Gotenya enjele mende kaitinya katao isa ipupala pao kana doko kapilya mina-mina pyoo nyoo kapya latala dokonya ketae petea-pyaa. 3 Baanya ^c lengelyaapi doko polepole pyoo, yonge pee doko kyoo lao pakenana timbokopaele jia-pyaa. 4 Dopa ^d piamopa malu isetae kateamino dupa pakame kumao etete walu latala kumapae jiami-pyaa.

5 Dokopa enjele dokome enda dolapo lamaiyoo, “Nyalambo paka nakayalapape. Nyalambome Jisasa ita pokonya pyao yukuiyamino doko kutilyambino lao nambame masilyo. 6 Baa ^e angenya nasilyamo. Wamba baame leamoli pyoo sakatatalamona baa seteamino dakenya kanja ipupa. 7 Kandatala, ^f yapa pao baanya disaipele dupa dapa lamaiyepape: ‘Baa malunya sakatatala Galili yuu dokonya wambao pame lamo, nyakamame baa yuu dokonya kandatamina,’ nambame nyalambo langitilyo doko masalapape!” lea-pyaa. 8 Dopa leamopa enda dolapome malu doko yapa yakinatala paka kayao pituaka doko, mona etete yaepatala baanya disaipele dupa lamaiyakamaiyanya alo piambi-pyaa.

9 Alo ^g pyao peambinopa Jisasame kaitinisa kandanyetala, “Wanalapo, anja paanya epelyambipi?” lea-pyaa. Dokopa dolapome tengesa ipao luma lakapala baanya mokonya minao baa tama piambi-pyaa. 10 Dopa ^h piambinopa Jisasame enda dolapo lamaiyoo, “Paka nakaenya, nambanya kaiminingi dupa katatamisa pupala Galili pena lamaiyepape. Dupame namba dokonya kandatamina,” lea-pyaa.

Dopa pyomo dapa pyomo lao yanda singi dupame leamino doko

11 Enda ⁱ dolapo peambinopa, malu isetae kateamino yanda singi dupanya mendapuame yuu taono dokonya pupala piamo dupa pitaka pitisa mupa dupa lamaiyami-pyaa. 12 Dokopa pitisa mupapi isingi akalipi dupa-pipa pii lao kambuatala muni longo mendapua yanda singi dupa maiyami-pyaa. 13 Maitala dapa lena leami-pyaa: “‘Naima luu palipamanopa Jisasanya disaipele dupame kuka ipupala baa nyoo pamini lamona,’ laapape. 14 Dee kapomane andake dokome pii dake setamo kandao doko, naimame mende lata-lata pitamanopa nyakama-kisa pundu nasetana,” leami-pyaa. 15 Dopa lateaminopa yanda singi dupame muni dutupa nyepala dupame pina leamiliaka piami-pyaa. Dopa piamino dokonya atome doko Juta endakali dupa-kisa tayateamopa dupame lawaka katao indupa tuu lelyamino.

Jisasame baanya disaipele dupa kalai pyaa pena leamo doko

(Mk 16:14-18; Lu 24:36-49; Jo 20:19-23)

16 Disaipele ^j kingi ita-kisa dee mendai dutupa wamba Jisasame Galili yuu dokonya manda mendenya patamina leamo dokonya peami. 17 Dokonya ^k pao Jisasa kandatala baa lao luma lakapala tama piami. Dopa piaminoaka doko, mendapuame mona lapo paleami. 18 Dokopa ^l Jisasa baa tengesa ipupala dokaita lamaiyoo pituu, “Yuupi kaitipi dupa isepenge pupu lapae doko pitaka Goteme namba ditilyamo. 19 Dopana ^m nyakama pupala endakali paliuu pelyamo dupa pitaka nambanya disaipele injisalapape. Dopa pyoo pituu, Takange dokopi, Ikiningi dokopi, Oli Sipitisa dokopi dutupanya kenge doko lao kaimbu pyakamaiyepape. 20 Dee ⁿ piipi manapi nambame nyakama langio kandeno, dupa pitaka minina lao lamaiyepape. Namba nyakama-pipa koteaka lao awapaka katao yuu etatamo gii doko kandao nyetona, masalapape!” Jisasame dopa lea.